Tanıtım:
Nefesler:
Lâ-mekân elinden bir sadâ geldi
Nevrûzumuz canlar mübârek olsun.
Kalb-i mü’minâna bir safâ geldi
Nevruzunuz canlar mübârek olsun.
(Kırklar bayramınız size aşk olsun)
Viladet günüdür hak Murtaza’nın
Şehşir-i kudretle ol Kibriyâ’nın
Na’ra-i Haydar tek açub dehânın
Nevruzunuz canlar mübârek olsun.
(Kırklar bayramınız size aşk olsun)
Bugün hurûc eder cümle mevcûdat
Bu dem kıyam eder yevm-i arasat
Bu demle açılır mü’mine mir’ât
Nevruzunuz canlar mübârek olsun.
(Kırklar bayramınız size aşk olsun)
Zîrûh gayr-i zîrûh baş keser Şah’a
Bu dem izin olub gelirler câha
Fescidû emriyle ol yüzü mâha
Nevruzunuz canlar mübârek olsun
(Kırklar bayramınız size aşk olsun)
Bunda handân olur kalbi mükedder
Gözyaşları olur lâl ü mücevher
Aşk olsun canlara Dîdârî kemter
Nevruzunuz canlar mübârek olsun
(Kırklar bayramınız size aşk olsun)